1 րոպեի ընթերցում
Հայաստանի տարածքային զարգացման հիմնադրամի (ՀՏԶՀ) պատվիրատվությամբ Սյունիքի մարզի Մեղրի քաղաքում կառուցվել է խմելու ջրի կայան։ Ինչպես «Արմենպրես»-ը տեղեկանում է Հայաստանի տարածքային զարգացման հիմադրամից, կայանի հզորությունը վայրկյանում 70 լիտր է։
Նորակառույց կայանի փորձարկման աշխատանքներին հետևել է ՀՏԶՀ-ի տնօրեն Սարգիս Բաղինյանը՝ ճարտարագետների աշխատանքային խմբի հետ Մեղրի այցի ընթացքում։
Հիմնադրամից տեղեկացնում են, որ այժմ կայանում շինմոնտաժային աշխատանքներն ավարտված են և այն փորձարկման փուլում է։
Շահագործումից հետո կայանը որակյալ ջրով կապահովի Մեղրի քաղաքի և հարակից գյուղերի ավելի քան 7000 բնակիչությանը։