Թուրքիայի և Իրանի արտգործնախարարները քննարկել են ամերիկա-իրանյան բանակցությունների ընթացքը

Թուրքիայի արտաքին գործերի նախարար Հաքան Ֆիդանը մայիսի 1-ին Իրանի իր գործընկեր Աբբաս Արաղչիի հետ հեռախոսազրույցում քննարկել է իրավիճակը ամերիկա-իրանյան բանակցություններում։

«Արմենպրես»-ի հաղորդմամբ՝ այս մասին ТАСС-ին հայտնել են Թուրքիայի արտաքին քաղաքական գերատեսչությունում։

ԱՄՆ-ն և Իսրայելը փետրվարի 28-ին հարձակում էին ձեռնարկել Իրանի դեմ։ Ապրիլի 7-ին ԱՄՆ նախագահ Դոնալդ Թրամփը հայտարարել էր Իրանի փոխադարձ համաձայնությամբ երկշաբաթյա հրադադարի հաստատման մասին։ Ապրիլի 11-ին Թեհրանը և Վաշինգտոնը Պակիստանի մայրաքաղաք Իսլամաբադում կայացած բանակցությունների ընթացքում մի շարք տարաձայնությունների պատճառով համաձայնության չէին եկել հակամարտության երկարաժամկետ կարգավորման շուրջ։