Մոլդովայի խորհրդարանի հատուկ նիստում ելույթ կունենա եվրահանձնակատար Մարթա Կոսը. Moldpres

Հոդվածը հրապարակվում է «Արմենպրես»-ի և Moldpres-ի միջև ստորագրված համաձայնագրի շրջանակում։

Մոլդովայի Հանրապետության խորհրդարանը նոյեմբերի 9-ին կգումարի հատուկ նիստ, որի ընթացքում ընդլայնման հարցերով ԵՄ հանձնակատար Մարթա Կոսը ելույթ կունենա լիագումար նիստում և ուղերձ կհղի պատգամավորներին: Ինչպես «Արմենպրես»-ը տեղեկանում է Moldpres գործակալությունից, այս մասին նոյեմբերի 5-ին հայտարարել է Մոդովայի խորհրդարանի խոսնակ Իգոր Գրոսուն։

Նրա խոսքով՝ հանդիպմանը կքննարկվեն նաև Մոլդովայի Հանրապետության եվրոպական ինտեգրման գործընթացին առնչվող հարցեր։

«Մենք նաև ավելի մանրամասն կծանոթանանք ճանապարհային քարտեզին և այն հաջորդ պարտավորություններին, որոնք պետք է ստանձնենք եվրոպական ինտեգրման գործընթացում սահմանված ժամանակացույցին ու մեր պարտավորություններին համապատասխանելու համար», - ասել է Իգոր Գրոսուն։

Նա հավելել է, որ նիստը տեղի կունենա նոյեմբերի 9-ին` ժամը 14:00-ին։