1 րոպեի ընթերցում
Ուկրաինայի ԵՄ-ին անդամակցության գործընթացը երկար և բարդ կլինի, ու դրա համար որևէ ժամկետ չի կարող սահմանվել։
Ինչպես հաղորդում է «Արմենպրես»-ը՝ վկայակոչելով ՌԻԱ Նովոստի գործակալությունը, այս մասին Կիպրոսում կայացած ԵՄ ոչ պաշտոնական գագաթնաժողովից հետո հայտարարել է Եվրոպական խորհրդի նախագահ Անտոնիո Կոշտան։
«Իրավիճակը բարդ է Ուկրաինայի համար, սակայն այդ երկիրն արդեն մեծ առաջընթաց է գրանցել։ Սա դեռևս երկար գործընթաց է, շատ բարդ, և մենք չենք կարող փորձել դրա համար արհեստական ժամկետներ սահմանել՝ օրինակ՝ ամիսներ կամ 10 տարի», - մեկնաբանել է նա` պատասխանելով լրագրողների այն հարցին, թե հնարավո՞ր է արդյոք ժամկետ սահմանել Ուկրաինայի՝ Եվրամիությանը անդամակցելու համար։