Նուբարաշենի աղբավայրի տարածքում պայթյունից տուժածների վիճակը գնահատվում է կայուն ծանր՝ դրական դինամիկայով
1 րոպեի ընթերցում
Նուբարաշենի աղբավայրի տարածքում տեղի ունեցած պայթյունի հետևանքով 2 տուժածի վիճակը գնահատվում է կայուն ծանր՝ դրական դինամիկայով։
«Արմենպրես»-ի հաղորդմամբ՝ այս մասին Երևանի քաղաքապետարանի գործակարգավարական խորհրդակցությանը տեղեկացրեց Երևանի քաղաքապետարանի առողջապահության վարչության պետ Դավիթ Կարապետյանը։
Ինչպես նշվեց խորհրդակցությանը, պայթյունը տեղի է ունեցել Նուբարաշենի աղբավայրում գտնվող սանհանգույցի կոյուղագծում բիոգազի կուտակման հետևանքով՝ այն բանից հետո, երբ տնօրենը վառել է սանհանգույցի էլեկտրալամպը։