Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ
1 րոպեի ընթերցում

Հաագայի դատարանը 17 ամսվա ազատազրկման է դատապարտել Կոսովոյի ազատագրման բանակ կոչվող կազմակերպության նախկին առաջնորդ Հաշիմ Թաչիին՝ պաշտոնատար անձի ծառայողական պարտականությունների կատարմանը խոչընդոտելու և դատարանի նկատմամբ անհարգալից վերաբերմունք դրսևորելու համար։ «Արմենպրես»-ի հաղորդմամբ՝ այս մասին հայտնել է սերբական RTS ռադիո և հեռուստատեսային ընկերությունը՝ վկայակոչելով դատավճռի տեքստը։
Փաստաթղթում նշվում է նաև դատավարական գործընթացների գաղտնիության խախտման մասին։
Թաչին այս տարի 25 տարվա ազատազրկման է դատապարտվել Սերբիայի Կոսովո ինքնավար նահանգում և Մետոխիայում 1998-1999 թվականներին տեղի ունեցած հակամարտության ընթացքում ռազմական հանցագործություններ կատարելու համար։
Մեկնաբանելով դատարանի հերթական վճիռը՝ Թաչին հայտարարել է, որ խնդիրը ոչ թե արդարադատության, այլ քաղաքական ճնշման հարթությունում է։
Կոսովոյի ժողովրդավարական կուսակցությունում, որի անդամ է Թաչին, դատավճիռը համարել են ամոթալի և անընդունելի՝ հավելելով, որ կպատասխանեն կոնկրետ քաղաքական, իրավական և դիվանագիտական գործողություններով։