1 րոպեի ընթերցում
Լիբանանի և Իսրայելի միջև Վաշինգտոնում կայանալիք բանակցությունները կլինեն «Հեզբոլլահ»-ը զինաթափելու հարցի շուրջ։ «Արմենպրես»-ի փոխանցմամբ՝ այս մասին հայտնում է Al Hadath արաբական գործակալությունը։
Նախատեսվում է, որ Լիբանանի և Իսրայելի միջև բանակցությունները կանցկացվեն հաջորդ շաբաթ։
Իսրայելը Լիբանանում ռազմական գործողություններ է սկսել այն բանից հետո, երբ «Հեզբոլլահ» շարժումը հարվածներ է հասցրել Իսրայելին՝ ի պատասխան Իրանի դեմ հարձակման։ Լիբանանում իսրայելական հարվածների զոհերի թիվը գերազանցել է 1000-ը։ Շուրջ մեկ միլիոն մարդ տեղահանվել է։
Լիբանանի նախագահը խոստացել է զինաթափել «Հեզբոլլահ»-ին և ուղիղ բանակցություններ է առաջարկել Իսրայելին՝ պատերազմին վերջ դնելու համար։