Թեհրանում թիրախավորվել է 100-ամյա բժշկական կենտրոնը

Իրանի առողջապահության նախարարությունը հայտնել է, որ Միացյալ Նահանգների և Իսրայելի հարձակումների հետևանքով թիրախավորվել է մայրաքաղաք Թեհրանում գտնվող 100-ամյա «Պաստյոր» բժշկական կենտրոնը։

«Իրանի «Պաստյոր» ինստիտուտի՝ համաշխարհային առողջապահության 100-ամյա կենտրոնի և Միջազգային «Պաստյոր» ցանցի անդամի դեմ հարձակումն ուղղակի հարձակում է միջազգային առողջապահական անվտանգության վրա», - «Արմենպրես»-ի փոխանցմամբ, X-ում գրառման մեջ նշել է Իրանի առողջապահության նախարարության խոսնակ Հոսեյն Քերմանփուրը։

The aggression against Pasteur Institute of Iran—a century-old pillar of global health & member of International Pasteur Network—is a direct assault on international health security. This violates Geneva Conventions & IHL principles. We call on @WHO @ICRC & global health bodies… pic.twitter.com/80mv8qgcnq

— حسین کرمانپور Hossein.Kermanpour (@HKermanpour) April 2, 2026

Նա հրապարակել է դեպքի վայրից լուսանկարներ, որոնցում երևում է ծանր վնասված շենքը, իսկ կառույցի որոշ մասեր վերածվել են ավերակների։

«Սա խախտում է Ժնևի կոնվենցիաները և միջազգային մարդասիրական իրավունքի սկզբունքները։ Մենք կոչ ենք անում Առողջապահության համաշխարհային կազմակերպությանը, Կարմիր խաչի միջազգային կոմիտեին և միջազգային առողջապահական կազմակերպություններին դատապարտել այս հարձակումը, գնահատել վնասը և աջակցել վերականգնմանը»,- գրել է առողջապահության նախարարության խոսնակը։