1 րոպեի ընթերցում
ԵՄ-ն և Չինաստանը երկու տարվա ընթացքում առաջին անգամ անցկացրել են ռազմական խորհրդատվություններ, որոնց ընթացքում, ի թիվս այլնի, մտքեր են փոխանակել Ուկրաինայի, Իրանի և Հարավչինական ծովում իրավիճակի վերաբերյալ։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին նշված է Եվրոպական արտաքին գործողությունների ծառայության հայտարարության մեջ։
«ԵՄ-ի և Չինաստանի միջև անվտանգության ու պաշտպանության խորհրդատվությունների 15-րդ փուլը տեղի է ունեցել Բրյուսելում մարտի 24-ին», - նշվում է հայտարարության մեջ։
Եվրոպական արտաքին ծառայությունը հայտարարել է, որ վերահաստատել է Չինաստանի ղեկավարությանն ուղղված իր կոչը՝ ազդեցություն գործադրել Ռուսաստանի վրա Ուկրաինայում հակամարտությունը Բրյուսելի և Կիևի կողմից համաձայնեցված պայմաններով դադարեցնելու համար, ինչպես նաև ընդգծել է Չինաստանի պատասխանատվությունը Հարավչինական ծովում և Թայվանի նեղուցում կայունության և նավարկության ազատության ապահովման համար։