1 րոպեի ընթերցում
Գերմանիայի նախագահ Ֆրանկ-Վալտեր Շտայնմայերը հայտարարել է, որ Իրանի դեմ պատերազմը հակասում է միջազգային իրավունքին և հանդիսանում է քաղաքական ճակատագրական սխալ։ «Արմենպրես»-ի հաղորդմամբ՝ Բեռլինում ելույթ ունենալով Երկրորդ համաշխարհային պատերազմից հետո ԱԳՆ-ի վերականգնման 75-ամյակին՝ Շտայնմայերը նշել է, որ ռազմական գործողությունները կարելի էր խուսափել։
«Իրանում ռազմական արշավը հակասում է միջազգային իրավունքին, և դրանից կարելի էր խուսափել»,- Գերմանիայի նախագահի խոսքերը մեջբերել է «DW»-ն։
Նա նաև ընդգծել է, որ ԱՄՆ-ի վարած ուժային քաղաքականությունը հանգեցրել է վստահության նվազման ոչ միայն դաշնակիցների, այլև ամբողջ աշխարհի մակարդակով։
Գերմանիայի նախագահի խոսքով՝ Վաշինգտոնի հետ հարաբերություններում անհրաժեշտ է առաջնորդվել պրագմատիզմով՝ հաշվի առնելով, որ ԱՄՆ ներկայիս վարչակազմը գործում է այլ աշխարհայացքով։