1 րոպեի ընթերցում
Իրանը դադարեցրել է գազի մատակարարումը Թուրքիա՝ Հարավային Փարս խոշոր գազային հանքավայրին հասցված հարվածներից հետո։ «Արմենպրես»-ի հաղորդմամբ՝ այս մասին հաղորդում է Bloomberg գործակալությունը՝ հղում անելով իր աղբյուրներին։
Գործակալության տվյալներով՝ 2025 թվականին Իրանը ապահովել է Թուրքիայի գազի ներմուծման շուրջ 14 տոկոսը։ Նշվում է, որ ներկայում Անկարան շարունակում է գազ ստանալ Ռուսաստանից և Ադրբեջանից, ինչպես նաև օգտվում է առկա պաշարներից։
Աղբյուրների փոխանցմամբ՝ Իրանից գազի մատակարարումների վերսկսման ժամկետները դեռևս հայտնի չեն։
Ավելի վաղ՝ մարտի 18-ին, Իրանի Բուշեր նահանգի Ասալույե շրջանի վարչակազմի ղեկավարը հայտնել էր, որ Իսրայելի և ԱՄՆ-ի հասցրած հարվածների հետևանքով հրդեհ է բռնկվել Հարավային Փարս հանքավայրի մի քանի օբյեկտներում։
Այս ֆոնին Իսլամական հեղափոխության պահապանների կորպուսը հայտարարել է, որ կարող է մոտ ժամանակներս հարվածներ հասցնել Սաուդյան Արաբիայում, ԱՄԷ-ում և Քաթարում գտնվող նավթագազային ենթակառուցվածքներին։