Քուվեյթը 7 անօդաչու թռչող սարք է ոչնչացրել

Քուվեյթի ազգային գվարդիան հայտարարել է, որ մարտի 18-ի լուսաբացին 7 անօդաչու թռչող սարք է ոչնչացրել։ Ինչպես հաղորդում է «Արմենպրես»-ը, այս մասին հայտնում է Arab Times-ը։

Գվարդիայի խոսնակը կոչ է արել քաղաքացիներին խստորեն հետևել պատկան մարմինների կողմից արվող հայտարարություններին, որպեսզի հնարավոր լինի ապահովել նրանց անվտանգությունը։

Մարտի 18-ին անօդաչուներ որսալու մասին հայտարարություններ են արել նաև Սաուդյան Արաբիան, Արաբական Միացյալ Էմիրությունները, Բահրեյնը։  

ԱՄՆ-ն և Իսրայելն Իրանի դեմ համատեղ ռազմական գործողություն են սկսել փետրվարի 28-ից՝ մեղադրելով Թեհրանին հրթիռային և միջուկային ծրագիրը զարգացնելու համար։ Իրանը, հերքելով մեղադրանքները, սկսել է պատասխան հարվածներ հասցնել Իսրայելին, ինչպես նաև տարածաշրջանի երկրներում ամերիկյան ռազմաբազաներին։ Հարվածներից տուժել են Քուվեյթը, Կատարը, ԱՄԷ-ն, Սաուդյան Արաբիան, Օմանը, Բահրեյնը, Իրաքը։