1 րոպեի ընթերցում
Շիրակի մարզի Ախուրյան համայնքում շարունակվում է «Հայաստանի Հանրապետության վարչապետի գավաթ» դպրոցականների սիրողական մրցաշարը: «Արմենպրես»-ի թղթակցի հաղորդմամբ՝ մարտի 2-ից մեկնարկած մրցումների շրջանակում այս օրերին ակտիվ ընթացքի մեջ են բասկետբոլի և սեղանի թենիսի մրցաշարերը:
Մրցումներին արդեն մասնակցել է շուրջ 36 թիմ՝ ավելի քան 300 երեխա։ Համայնքի դպրոցների սաները ցուցաբերում են բարձր պատրաստվածություն և թիմային ոգի:
Բասկետբոլի մրցաշարի ընթացքին հետևել և լավագույն արդյունքներ գրանցած մարզիկներին պարգևատրել է Ախուրյան համայնքի ղեկավար Զավեն Մանուկյանը։ Համայնքի ղեկավարը կարևորել է սպորտի դերը մարզային բնակավայրերում՝ ընդգծելով, որ նման նախաձեռնությունները նպաստում են առողջ և նպատակասլաց սերնդի ձևավորմանը:
Մրցաշարերը շարունակական են և նպատակ ունեն մասսայականացնել սպորտը դպրոցականների շրջանում: