ՌԴ ԱԳՆ-ն շնորհակալություն է հայտնել Հայաստանին Իրանից իր քաղաքացիների տարհանման հարցում օգնելու համար
1 րոպեի ընթերցում
Ռուսաստանի արտաքին գործերի նախարարությունը շնորհակալություն է հայտնում Հայաստանին, ինչպես նաև Թուրքմենստանին և Ադրբեջանին՝ Իրանից Ռուսաստանի քաղաքացիների տարհանման հարցում ցուցաբերած աջակցության համար։
«Արմենպրես»-ի փոխանցմամբ` այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մարտի երեքի դրությամբ Հայաստանի տարածքով տարհանվել է Ռուսաստանի 31 քաղաքացի, Ադրբեջանի տարածքով՝ Ռուսաստանի 253 քաղաքացի, Թուրքմենստանով` Ռուսաստանի 8 քաղաքացի։ Ռուսաստանը երախտապարտ է Հայաստանին, Ադրբեջանին և Թուրքմենստանին՝ Իրանից ռուսաստանցիների անխոչընդոտ տարհանումն ապահովելու հարցում ցուցաբերած աջակցության համար»,-նշել է նա` հավելելով` ՌԴ քաղաքացիներին անվտանգ հայրենիք վերադարձնելու ուղղությամբ աշխատանքները շարունակվում են։