1 րոպեի ընթերցում
Երևանի փողոցներում ներկա պահին իրականացվել է մոտ 10 հազար քառակուսի մետր փոսալցում։
«Արմենպրես»-ի հաղորդմամբ՝ այս մասին փետրվարի 20-ի ասուլիսին տեղեկացրեց Երևանի քաղաքապետի առաջին տեղակալ Արմեն Փամբուխչյանը՝ անդրադառնալով մայրաքաղաքի փողոցներում իրականացվող փոսալցման աշխատանքների ընթացքին ու ժամկետներին։
«Մեր բյուջեով նախատեսված է 200 հազար քառակուսի մետր փոսալցում։ Մենք դեռ շատ անելիք ունենք, քանի որ մեզ մոտ փոսալցումն ամբողջ տարվա համար է նախատեսվում։ Այսինքն՝ չունի հստակ ժամկետ։ Եղանակային պայմաններից ելնելով՝ ավարտը կարող ենք համարել, ենթադրենք, դեկտեմբերը, եթե, իհարկե, նույն այդ եղանակային պայմանները թույլ տան։ Բայց մենք, բնականաբար, աշխատում ենք մինչև եղանակային պայմանների վատթարանալն այդ խնդրին լուծում տալ»,-ներկայացրեց փոխքաղաքապետը։