1 րոպեի ընթերցում
Իրանի մայրաքաղաք Թեհրանի մերձակա Փարանդ քաղաքում փետրվարի 18-ին հրդեհ է բռնկվել․ ականատեսների վկայությամբ՝ ծխապատ է մի քանի ռազմական և ռազմավարական օբյեկտներին հարող տարածքը։ «Արմենպրես»-ի հաղորդմամբ՝ այս մասին հայտնում է Reuters-ը՝ վկայակոչելով իրանական պետական լրատվամիջոցներին։
Հրապարակված տեսանյութերում երևում է, որ ծուխը բարձրանում է Թեհրանի նահանգի մի քանի ռազմական և ռազմավարական օբյեկտների մոտակա տարածքից։
«Փարանդ քաղաքի արվարձանում նկատված սև ծուխը համանուն գետի ափին աճող եղեգնուտներում բռնկված հրդեհի հետևանքն է։ Հրշեջներն իրականացնում են հրդեհամարման աշխատանքներ»,- Իրանի պետական լրատվամիջոցների հաղորդմամբ՝ տեղեկացրել են Փարանդ քաղաքի հրշեջ ծառայությունում։