1 րոպեի ընթերցում
Հայտարարագիր ներկայացնող ֆիզիկական անձինք մարտի 2-ից սկսած կարող են Պետական եկամուտների կոմիտեից հետ ստանալ տարվա ընթացքում իրենց ծախսած սոցիալական կրեդիտները: «Արմենպրես»-ի փոխանցմամբ՝ այս մասին մամուլի ասուլիսի ընթացքում հայտնեց ՊԵԿ նախագահ Էդուարդ Հակոբյանը:
«Անցած տարի ընդունված օրենքով՝ ժամանակահատվածը հայտարարագրերը ներկայացնելու կամ հաստատելու, մարտի 2-ից նոյեմբերի 1-ն է: Մարտի 2-ն այն ամենամոտ ժամկետն է, որից սկսած կարող են մտնել, էլեկտրոնային ստորագրությամբ հաստատել, սոցիալական կրեդիտների վերադարձի դիմում լրացնել և ստանալ սոցիալական կրեդիտները»,- ասաց ՊԵԿ նախագահը:
Էդուարդ Հակոբյանը հավելեց՝ քննարկվում է նաև առողջապահական ծախսերի մասով ավելի շատ փոխհատուցում տրամադրելու հնարավորության հարցը: