Պաշտպանության նախարարը ՊՆ համակարգում ծառայող հոգևորականներին առնչվող նոր հրաման է ստորագրել

ՀՀ պաշտպանության նախարար Սուրեն Պապիկյանը 2026 թվականի հունվարի 29-ի հրամանով ուժը կորցրած է ճանացել նախարարի 2000թ․-ի հուլիսի 19-ի թիվ 728 հրամանը։ Այդ մասին տեղեկացնում է «Արմենպրես»-ը՝ վկայակոչելով պաշտպանության նախարարի ֆեյսբուքյան գրառումը։ 

Նոր հրամանի համաձայն՝ 2026 թվականի փետրվարի 1-ից դադարեցվում է ՀՀ զինված ուժերի Հոգևոր ծառայության առաջնորդի և Հայաստանյայց առաքելական սուրբ եկեղեցու կողմից նշանակված հոգևոր ծառայողների գործունեությունը ՀՀ պաշտպանության նախարարության համակարգում։ 

Պաշտպանության նախարարը ՀՀ զինված ուժերի գլխավոր շտաբի պետին հրահանգել է ապահովել մինչև սույն հրամանի ուժի մեջ մտնելը շարքային կազմի պարտադիր զինվորական ծառայության զորակոչված և ՀՀ զինված ուժերում ավագ գնդերեցի կամ գնդերեցի զինվորական պաշտոնի նշանակված անձանց կողմից հոգևոր ծառայության իրականացումը՝ ՀՀ ԶՈՒ ԳՇ բարոյահոգեբանական ապահովման վարչության ընդհանուր համակարգմամբ և ծառայության վայրի զորամասի հրամանատարի անմիջական ենթակայությամբ։ 

Հրամանի ամբողջական տեքստին կարող եք ծանոթանալ հետևյալ հղումով։