ՀՀ ԿԳՄՍ նախարարության աջակցությամբ կիրականացվի «Խաղաղություն» միջազգային 2-րդ մանկապատանեկան ստեղծագործական մրցույթ-ցուցահանդեսը
1 րոպեի ընթերցում
Հայաստանի կրթության, գիտության, մշակույթի և սպորտի նախարարության ֆինանսական աջակցությամբ կիրականացվի «Խաղաղություն» միջազգային 2-րդ մանկապատանեկան ստեղծագործական մրցույթ-ցուցահանդեսը:
«Արմենպրես»–ի փոխանցմամբ՝ ԿԳՄՍ նախարարության տարածած հաղորդագրության մեջ նշվում է, որ ցուցահանդեսը միտված է մշակութային կրթության ոլորտում, մասնավորապես՝ կերպարվեստի բնագավառում շնորհալի երեխաների բացահայտմանը, նրանց ստեղծագործական ունակությունների և կարողությունների զարգացմանն ու ինքնադրսևորմանը:
Մրցույթ-ցուցահանդեսն ուղղված է խաղաղության, համերաշխության և հարգանքի գաղափարների տարածմանը:
Մրցույթ-ցուցահանդեսին կարող են մասնակցել տարբեր երկրների շնորհալի երեխաներ երկու տարիքային խմբերում (մասնակցի տարիքը որոշվում է աշխատանքը մրցույթին ուղարկելու պահին).
մինչև 10 տարեկան
10-15 տարեկան:
Մասնակիցը ներկայացնում է 1 աշխատանք «Խաղաղության» թեմայով:
Մրցույթ-ցուցահանդեսը կիրականացվի 2 փուլով՝ համաձայն կից ներկայացվող կարգի:
Աշխատանքներն ընդունվում են 01.04.2026թ.-05.05.2026թ. էլեկտրոնային տարբերակով՝ լրացնելով հայտաձևը՝ https://forms.gle/ZpmYhnjLHbqCyZnQ7: