1 րոպեի ընթերցում
Նոր զինվորական համազգեստի զորային փորձարկման ավարտից և նմուշի վերջնական հաստատումից հետո նախատեսում է հանդես գալ օրենսդրական նախաձեռնությամբ՝ այդ տեսակի համազգեստի վաճառքն արգելելու նպատակով։
«Արմենպրես»-ի հաղորդմամբ՝ մամուլի ասուլիսի ժամանակ այս մասին հայտարարեց Հայաստանի պաշտպանության նախարար Սուրեն Պապիկյանը։
Նախարարի խոսքով՝ օրենսդրական փոփոխության արդյունքում նոր համազգեստը հնարավոր չի լինի ձեռք բերել առևտրի կետերից։
«Այսինքն՝ չի կարող ձեր եղբայրը զանգել բանակից և ասել, որ համազգեստը մաշել է, և խնդրել գնել ու ուղարկել։ Նման բան չի լինելու»,– նշեց Պապիկյանը։
Նա ընդգծել է, որ համազգեստի մաշվելու դեպքում խնդիրը կլուծվի պետության կողմից։
«Համազգեստը երբ մաշվի, մենք դրա խնդիրը կլուծենք։ Ըստ էության՝ այժմ էլ կարգավորումներն այդպիսին են, սակայն կան որոշակի հարցեր, որոնք մեզ մղել են այս խնդիրը օրենսդրական մակարդակով լուծելուն»,– ասաց Պաշտպանության նախարարը։