Ճապոնիայի ԱԳ նախարարը Նեթանյահուին կոչ է արել պաշտպանել Գազայի քաղաքացիական բնակչությանը
2 րոպեի ընթերցում
Ճապոնիայի արտաքին գործերի նախարար Տոշիմիցու Մոտեգին Իսրայելի վարչապետ Բենիամին Նեթանյահուին հայտարարել է Գազայի հատվածում քաղաքացիական բնակչության պաշտպանության համար միջոցներ ձեռնարկելու անհրաժեշտության, ինչպես նաև Հորդանան գետի արևմտյան ափին բնակավայրերի կառուցման պատճառով միջազգային իրավունքի խախտման մասին։
Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հաղորդել է Ճապոնիայի արտաքին քաղաքական գերատեսչությունը Մոտեգիի և Նեթանյահուի հանդիպման արդյունքների վերաբերյալ։
«Մոտեգին Իսրայելին կոչ է արել ձեռնարկել համապատասխան միջոցներ քաղաքացիական բնակչության պաշտպանության և Գազայում մարդասիրական օգնության ապահովման համար։ (...) Ինչ վերաբերում է Արևմտյան ափի իրադրությանը, նախարար Մոտեգին նշել է, որ բնակավայրերի կառուցումը խախտում է միջազգային իրավունքը։ Մոտեգին հայտնել է Ճապոնիայի լուրջ մտահոգությունը, որ բնակավայրերի ընդլայնումը և նորաբնակների կողմից բռնության աճն էլ ավելի կապակայունացնեն իրադրությունը տարածաշրջանում», - «Արմենպրես»-ի փոխանցմամբ, ասվում է Նեթանյահուի հետ հանդիպման մասին Ճապոնիայի ԱԳ նախարարության հաղորդագրության մեջ։
Նեթանյահուն, ինչպես նշվում է, ներկայացրել է հարցի վերաբերյալ Իսրայելի դիրքորոշումը։
Պաղեստինի վարչապետ Մոհամմեդ Մուստաֆայի հետ հանդիպմանը, որը տղի է ունցել նույն օրը, Մոտեգին «պարզաբանել է Ճապոնիայի հաստատուն աջակցությունը խնդրի՝ «երկու պետությունների սկզբունքի հիման վրա լուծմանը, ինչպես նաև Ճապոնիայի դիրքորոշումը Գազայի վերականգնման և Պաղեստինի պետականաշինության վերաբերյալ»։