Պուտինը հայտարարել է, որ Ռուսաստանը պահպանում է ռազմավարական նախաձեռնությունը ռազմաճակատում
2 րոպեի ընթերցում
Ռուսաստանի նախագահ Վլադիմիր Պուտինը ընդլայնված խորհրդակցություն է անցկացրել պաշտպանության նախարարությունում՝ նշելով, որ 2025 թվականը շրջադարձային է եղել Ուկրաինայում ռազմական գործողությունների նպատակների լուծման հարցում։
«Արմենպրես»-ի փոխանցմամբ՝ ինչպես հաղորդում է ՏԱՍՍ գործակալությունը,
Պուտինը հայտարարել է, թե ռուսական զորքերը ազատագրել են ավելի քան 300 բնակավայր և պահպանում են ռազմավարական նախաձեռնությունն ամբողջ առաջնագծի երկայնքով։
«Բանակը զարգացնում է իր հարձակողական ներուժը, և մարտական պատրաստության են պատրաստվում նորագույն զենքի համակարգերը, այդ թվում՝ «Օրեշնիկ» համակարգը»,- նշել է նա։
Պուտինը նշել է, որ ռուսական ռազմական ուժերը ջախջախում են թշնամուն, այդ թվում՝ նրա էլիտար ստորաբաժանումներին, որոնք մարզվել են արևմտյան ռազմական կենտրոններում։
Պուտինը հայտարարել է, որ Ուկրաինան ունի ՆԱՏՕ-ի աջակցությունը, իսկ Ռուսաստանի Դաշնությունն ունի հնարավորություն արագացնելու իր հարձակման տեմպը ռազմավարական կարևոր տարածքներում։
Պուտինը բարձր է գնահատել հյուսիսկորեացի զինվորների ներդրումը Կուրսկի մարզի ազատագրման գործում։
Նա նաև նշել է, որ անվտանգության բուֆերային գոտու ընդլայնման խնդիրը կլուծվի։
Պուտինը Ռուսաստանի կողմից Եվրոպայի վրա հնարավոր հարձակման մասին պնդումները անվանել է սուտ և անհեթեթություն։
ՌԴ նախագահը նշել է, որ Ռուսաստանը միշտ փորձել է հարցերը լուծել խաղաղ ճանապարհով։
Պուտինը հավելել է, որ Ռուսաստանը ողջունում է ԱՄՆ նախագահ Դոնալդ Թրամփի վարչակազմի հետ Ուկրաինայում հակամարտությանը վերջ դնելու շուրջ երկխոսության ուղղությամբ արձանագրվող առաջընթացը։