1 րոպեի ընթերցում
Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանն ավարտել են բանակցություններն Աշգաբաթում:
«Արմենպրես»-ի փոխանցմամբ՝ այս մասին հայտնում է ՏԱՍՍ գործակալությունը։
Հանդիպումը տևել է մոտ 90 րոպե։
Սկզբում բանակցությունները տեղի են ունեցել պատվիրակությունների մասնակցությամբ, ապա նախագահները շարունակել են քննարկումները նեղ կազմով։
Էրդողանի հետ բանակցությունների ավարտից հետո Պուտինն առանձին հանդիպում է ունեցել Թուրքիայի արտաքին գործերի նախարար Հաքան Ֆիդանի հետ: Թուրք նախարարը Ռուսաստանի առաջնորդին ուղեկցել է գրեթե մինչև նրա ավտոշարասյունը։
Կրեմլի խոսնակ Դմիտրի Պեսկովն ավելի ուշ պարզաբանել է, որ նախագահները քննարկել են Ուկրաինայում կարգավորման հարցը և Եվրոպայի կողմից ռուսական ակտիվները շահագործելու փորձերը։
Նրա խոսքով՝ նախագահները նաև նշել են, որ Մոսկվայի և Անկարայի միջև հարաբերությունները զարգանում են բոլոր ոլորտներում: