ԱՄՆ Կոնգրեսն առաջարկել է արգելել Պենտագոնին Եվրոպային հանձնել ռազմաբազաները

ԱՄՆ Կոնգրեսն առաջարկում է արգելել Պենտագոնին ամերիկյան ռազմաբազաների տարածքները և անշարժ օբյեկտները հանձնել եվրոպական պետություններին: «Արմենպրես»-ի փոխանցմամբ՝ այդ մասին վկայում է 2026 թ. պաշտպանության բյուջեի օրինագծի տեքստը։

« Օրենքով տրամադրված միջոցները չեն կարող օգտագործվել 2025 թվականի հունիսի 1-ի դրությամբ Եվրամիության իրավասության ներքո գտնվող որևէ հողատարածք կամ գույք փոխանցելու, կամ այլ կերպ վերադարձնելու համար», - ասվում է փաստաթղթում։

Արգելքը տարածվում է նաև Պենտագոնի 500,000 դոլարից ավելի արժողությամբ ցանկացած գույքի Եվրոպայից դուրսբերման, ինչպես նաև ԱՄՆ-ի կողմից Եվրոպայում ՆԱՏՕ-ի գերագույն դաշնակից հրամանատարի՝ Եվրոպական հրամանատարության գերագույն հրամանատարի պաշտոնից հրաժարվելու վրա։