1 րոպեի ընթերցում
Բրյուսելում դեկտեմբերի 3-ին ՆԱՏՕ-ի անդամ երկրների արտաքին գործերի նախարարների հանդիպման գլխավոր թեման կլինի Ուկրաինային նոր ՀՕՊ համակարգերով ապահովելը:
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն՝ հավելելով, որ հարցը երկկողմ ձևաչափով կքննարկվի նաև ՆԱՏՕ-ի երկրների և Ուկրաինայի միջև:
Նրա խոսքով՝ Ուկրաինային ՀՕՊ համակարգերով և դրանց համապատասխան հրթիռներով ապահովելը ՆԱՏՕ-ի հիմնական առաջնահերթություններից է:
Ռյուտեն ընդգծել է, որ արտաքին գործերի նախարարների նպատակը ոչ թե նոր մատակարարումների վերաբերյալ համաձայնության գալն է, այլ քննարկելը, թե հավելյալ ինչ կարելի է անել այս ուղղությամբ։