ԵՄ դիտորդական առաքելության ղեկավարը հյուրընկալել է Գերմանիայի Ավետարանչական եկեղեցու պատվիրակությանը
1 րոպեի ընթերցում
Հայաստանում Եվրոպական միության դիտորդական առաքելության ղեկավար Մարկուս Ռիտտերը նոյեմբերի 28-ին հյուրընկալել է Գերմանիայի Ավետարանչական եկեղեցու էկումենիկ և արտաքին հարաբերությունների բաժնի ղեկավար, եպիսկոպոս Ֆրանկ Կոպանիային։
«Արմենպրես»-ի հաղորդմամբ՝ այս մասին Հայաստանում ԵՄ դիտորդական առաքելությունը նշել է X-ի իր միկրոբլոգում կատարած գրառման մեջ։
«Հայաստանում Եվրոպական միության դիտորդական առաքելության ղեկավար Մարկուս Ռիտտերը հանդիպել է Գերմանիայի Ավետարանչական եկեղեցու էկումենիկ և արտաքին հարաբերությունների բաժնի ղեկավար, եպիսկոպոս Ֆրանկ Կոպանիայի հետ»,-նշված է գրառման մեջ՝ շնորհակալություն հայտնելով այցելուներին:
Առաքելության փոխանցմամբ՝ Մարկուս Ռիտերը հյուրերին է ներկայացրել նաև առաքելության մանդատն ու գործունեությունը: