1 րոպեի ընթերցում
Մեծի Տանն Կիլիկիո կաթողիկոս Արամ Առաջինն Օտտավայում հանդիպել է Կանադայի վարչապետ Մարկ Քարնիի հետ։
«Արմենպրես»-ի փոխանցմամբ՝ այս մասին հայտնում է Cilicia TV-n:
Հանդիպման ընթացքում անդրադարձ է կատարվել Լիբանանում, Սիրիայում, Միջին Արևելքում, Հայաստանում, Պաղեստինում և Գազայում տիրող իրավիճակին։
Նշվում է, որ Վեհափառ Հայրապետը նշված երկրներում իրավիճակի վերաբերյալ իր դիրքորոշումներն է ներկայացրել Կանադայի վարչապետին։
Արամ Առաջինը հատուկ անդրադարձ է կատարել Բաքվում պահվող հայ գերիների խնդրին։ Նա Կանադայի վարչապետին առաջարկել է հատուկ աշխատանք իրականացնել Բաքվի բանտում պահվող հայ քաղբանտարկյալներին ազատ արձակելու, ԼՂ հայերի վերադարձի իրավունքի վերահաստատման և ԼՂ կրոնական-մշակութային կոթողների պահպանման ուղղությամբ։