Ռումինիայում նշում են Հայերենի օրը

Ռումինիայում հոկտեմբերի 12-ին  նշվում է Հայերենի օրը, որով հարգանքի տուրք է մատուցվում Ռումինիայի հայ համայնքի հարուստ ժառանգությանը:

«Արմենպրես»-ի հաղորդմամբ՝ այս մասին նշված է Ռումինիայի արտաքին գործերի նախարարության X-ի միկրոբլոգում կատարված գրառման մեջ։

«Այսօր Ռումինիայում մենք նշում ենք Հայերենի օրը՝ հարգանքի տուրք մատուցելով Ռումինիայի հայ համայնքի հարուստ ժառանգությանը: Լեզուն ավելին է, քան հաղորդակցման միջոց և ընդգրկում է ոչ միայն պատմությունն ու ժառանգությունը: Լեզուները ազգային ինքնության հիմնական ցուցիչներն են: Ավելին՝ «լեզուները ազգերի տոհմածառն են» (Սեմյուել Ջոնսոն): Այսօր մենք Ռումինիայի հայ համայնքի հետ միասին մեծարում ենք եզակի այբուբենը, հին գրական ավանդույթը և ինքնության հզոր խորհրդանիշը»,-ասված է երկրի ԱԳՆ-ի գրառման մեջ, որը եզրափակվում է «Մեր լեզուն մեր ինքնությունն է» գրությամբ։

Today in Romania we celebrate the Day of Armenian Language – honoring the rich heritage of the Armenian community in Romania. A language is more than a communication tool, and encapsulates more than just history and heritage. Languages are key markers of national identity. More…

— Ministry of Foreign Affairs of Romania 🇷🇴 (@MAERomania) October 12, 2025