Ծովակում մեկնարկել է «Վարդենիսի համայնքապետի գավաթ -2025» մինի ֆուտբոլի մեծահասակների մրցաշարը
1 րոպեի ընթերցում
Գեղարքունիքի մարզի Վարդենիս համայնքի Ծովակ գյուղում մեկնարկել է «Վարդենիսի համայնքապետի գավաթ֊ -2025» մինի ֆուտբոլի մեծահասակների ամենամյա մրցաշարը։
Ինչպես «Արմենպրես»-ին տեղեկացրին Վարդենիսի համայնքապետարանի աշխատակազմից, մրցաշարի Ա և Բ ենթախմբերում ընդգրկված են 9 թիմեր։ 1-ին մրցափուլի խաղերն անցել են դիտարժան պայքարում։
1-ին տեղ գրաված թիմը կպարգևատրվի 200 հազար , 2-րդ տեղ գրաված թիմը՝ 150 հազար, 3-րդ տեղ գրաված թիմը՝ 100 հազար դրամ գումարով։
Հաղթող թիմերին կշնորհվեն պատվոգրեր, մեդալներ և անվանական հուշանվերներ։
ՄԱԿ-ի Միգրացիայի միջազգային կազմակերպությունը սպորտային մարզահագուստներ է նվիրել բոլոր թիմերի մարզիկներին։
«Այս մրցաշարի գլխավոր նպատակը Վարդենիս համայնքում առողջ ապրելակերպի արմատավորումն է և ֆուտբոլի նկատմամբ հետաքրքրության ավելացումը, երիտասարդների ու մեծահասակների համար արդյունավետ ժամանցի կազմակերպումը։ Բնակիչները սիրով են հետևում մրցաշարին»,- նշեցին Վարդենիսի համայնքապետարանի աշխատակազմից։