Նովոսիբիրսկի արվեստի փառատոնում ելույթ կունենան արտիստներ Հայաստանից, Հունաստանից և Չինաստանից
1 րոպեի ընթերցում
Ռուսաստանի Նովոսիբիրսկի մարզում դեկտեմբերի 4-17-ը կայանալիք Արվեստի 16-րդ միջազգային Սուրբծննդյան փառատոնին կմասնակցեն արտիստներ Հայաստանից, Հունաստանից և Չինաստանից։
«Արմենպրես»-ի փոխանցմամբ՝ այդ մասին ՏԱՍՍ-ի մամուլի կենտրոնում հայտարարել է Նովոսիբիրսկի «Գլոբուս» երիտասարդական ակադեմիական թատրոնի տնօրեն Տատյանա Լյուդմիլինան։
«Մենք միշտ ձգտել ենք, որ փառատոնին մասնակցեն նաև արտասահմանյան թատերախմբեր։ Այսօր ես առաջին անգամ փառատոնի ծրագրում ներկայացնում եմ Սոս Սարգսյանի անվան «Համազգային» պետական թատրոնը Հայաստանից՝ «Ճարպագունդը» ներկայացմամբ։ Թատրոնն առաջին անգամ է ժամանում Նովոսիբիրսկ, ներկայացումը կլինի հայերեն՝ ենթագրերով», - ասել է Լյուդմիլինան՝ նշելով, որ սպասվում են նաև հյուրեր Հունաստանից և Չինաստանից։