Տեխնոլոգիական կրթություն մարզերում․ Կոտայքում «Մասսայական ուսուցում» ծրագրի մասնակիցները ստացել են ավարտական վկայականներ

2 րոպեի ընթերցում

Աբովյան քաղաքում տեղի է ունեցել տեխնոլոգիական անվճար դասընթացների ավարտական վկայականների հանձնման հանդիսավոր արարողություն։

Դասընթացները կազմակերպվել են ՀՀ բարձր տեխնոլոգիական արդյունաբերության նախարարության կողմից իրականացվող «Մասնագետների պատրաստման բարձրագույն ուսումնական հաստատություններ-մասնավոր հատված համագործակցություն» ծրագրի «Մասսայական ուսուցում» բաղադրիչի շրջանակում։ Դասընթացներն անցկացվել են Business Development Group ուսումնական կենտրոնի կողմից:

«Արմենպրես»-ի փոխանցմամբ՝ ՀՀ ԲՏԱ նախարարությունից հայտնում են, որ Կոտայքի մարզում դասընթացներին մասնակցել է 110 հոգի․ Աբովյանում ձևավորվել է 4 խումբ, իսկ Կոտայք գյուղում՝ 1 խումբ։

ԲՏԱ նախարարության ծրագրերի վարչության պետ Հայկ Ենգիրբարյանը, շնորհավորելով մասնակիցներին, ընդգծել է, որ նախարարության համար կարևոր է տեխնոլոգիական կրթությունը մարզերում հասանելի դարձնելը՝ հնարավորություն տալով երիտասարդներին կողմնորոշվել իրենց ապագա մասնագիտության ընտրության հարցում։  Ենգիբարյանի խոսքով` այս ծրագիրը տալիս է նոր գիտելիքներ կիբեռանվտանգության, ծրագրավորման ուղղությունների, դիզայներական ծրագրերի, մեքենայական ուսուցման մոդելների և արդի տեխնոլոգիաների ու դրանց առանձնահատկությունների վերաբերյալ:

Միջոցառման ընթացքում կազմակերպվել է նաև տեխնոլոգիական խաղ, որտեղ մասնակիցներն իրենց գիտելիքներով մրցել են միմյանց հետ: Հաղթողներն արժանացել են խրախուսական մրցանակների։

2025 թվականին ծրագիրն իրականացվում է Տավուշի, Շիրակի, Լոռու, Արմավիրի, Արագածոտնի, Արարատի և Կոտայքի մարզերի շուրջ 700 մասնակիցների համար։

Ծրագրի նպատակն է բարձրացնել մարզերի բնակչության  տեխնոլոգիական գիտելիքներն ու հմտությունները, իրազեկել ոլորտում իրականացվող ծրագրերի և մասնակցության հնարավորությունների մասին, ինչպես նաև աջակցել մասնագիտական կողմնորոշման հարցում։

Հայերեն

Մոսկվան Ուկրաինայի՝ ԵՄ-ին անդամակցությունը կապում է Ռուսաստանի անվտանգության հարցերի հետ

ՀՀ ԿԳՄՍ նախարարն ու Եվրոպական մարմնամարզության պատվիրակությունը քննարկել են Երևանում կայանալիք Եվրոպայի առաջնության նախապատրաստական աշխատանքը

Արմստատն առաջին անգամ հրապարակել է Հայաստանի ստեղծարար տնտեսության վերաբերյալ վիճակագրական տեղեկագիր

«Ուժեղ Հայաստան»-ն արձագանքել է հանրաքվեի վերաբերյալ վարչապետի առաջարկին և հայտնել արտահերթ ընտրությունների գնալու պատրաստակամության մասին

Վրաստանում նոյեմբերի 22-ը սգո օր է հայտարարվել՝ գազի պայթյունի հետևանքով մարդկանց զոհվելու կապակցությամբ

Իրանը հերքել է քիմիական և կենսաբանական զենքի մշակման վերաբերյալ ԱՄՆ-ի մեղադրանքները

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել