ԱԺ–ն քննարկում է ՀԾԿՀ անդամի պաշտոնում ընդդիմության թեկնածուի ընտրության հարցը

Ազգային ժողովը քննարկում է Հայաստանի Հանրապետության հանրային ծառայությունները կարգավորող հանձնաժողովի անդամի պաշտոնում ընդդիմադիր խմբակցությունների ներկայացրած միասնական թեկնածուի ընտրության հարցը: 

«Արմենպրես»-ի փոխանցմամբ՝ նիստում ԱԺ փոխնախագահ Հակոբ Արշակյանը հայտնեց, որ ընդդիմադիր «Հայաստան» և «Պատիվ ունեմ» խմբակցություններն հանձնաժողովի անդամի պաշտոնում առաջադրել են Արա Նռանյանին՝ որպես համաձայնեցված մեկ միասնական թեկնածու:

Թեկնածուին ներկայացրեց «Հայաստան» խմբակցության քարտուղար Արծվիկ Մինասյանը: 

Նռանյանը 2021 թվականի հոկտեմբերի 5–ից Հանրային ծառայությունները կարգավորող հանձնաժողովի անդամ է:

Հանձնաժողովի անդամները նշանակվում են 5 տարի պաշտոնավարման ժամկետով: