1 րոպեի ընթերցում
Իսպանիայի վարչապետ Պեդրո Սանչեսն սեպտեմբերի 8-ին հայտարարել է, որ իր կառավարությունը մեծացնելու է ճնշումն Իսրայելի դեմ՝ արգելելով այդ երկրի հետ կապ ունեցող նավերն ու ինքնաթիռները, որոնց զենք են տեղափոխում, մուտք գործել իսպանական օդային կամ ջրային տարածք։ «Արմենպրես»-ի փոխանցմամբ, այս մասին հայտնում է Reuters-ը։
Սանչեսը տեղեկացրել է, որ Իսպանիայի կառավարությունը մեծացնելու է Պաղեստինին հատկացվող օգնությունը ու մտադիր է էմբարգո սահմանել իսրայելական այն արտադրանքների վրա, որոնք կարտադրվեն Իսրայելի կողմից օկուպացված պաղեստինյան տարածքներում։
«Մենք հուսով ենք, որ այս միջոցները հավելյալ ճնշում կլինեն վարչապետ Նեթանյահուի և նրա կառավարության նկատմամբ՝ ինչ-որ ձևով մեղմելու պաղեստինցի ժողովրդի կրած տառապանքները»,- նշել է նա։
Իսպանիան նաև արգելելու է մուտքը երկիր ցանկացած մեկի համար, ով ուղղակիորեն մասնակցում է Պաղեստինում իրականացվող գործողություններին, որոնք Սանչեսն անվանել է «ցեղասպանություն»։