1 րոպեի ընթերցում
Սյունիքի մարզային փրկարարական վարչության ճգնաժամային կառավարման կենտրոն օգոստոսի 30-ին, ժամը 01:14-ին ահազանգ է ստացվել, որ Վաղատուր-Խոզնավար գյուղերի խաչմերուկի մոտակայքում ավտոմեքենան գլորվել է ձորը։ «Արմենպրես»-ի հաղորդմամբ՝ այս մասին տեղեկացրին ՆԳՆ Փրկարար ծառայությունից։ Դեպքի վայր է մեկնել մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Գորիս-Վաղատուր ավտոճանապարհի 15-րդ կմ-ին «Peugeot» մակնիշի ավտոմեքենան դուրս է եկել ճանապարհի երթևեկելի հատվածից և գլորվել ձորը։
Փրկարարները հոսանքազրկել են մեքենան, վարորդին մոտեցրել շտապօգնության ավտոմեքենային, իսկ ուղևորի դին դուրս բերել ձորից։