366.68
ԵԱՏՄ-ն իրականացնում է ազատ առևտրի նոր գոտիների ստեղծման լայնածավալ աշխատանք. ՌԴ ԱԳՆ
1 րոպեի ընթերցում
Եվրասիական տնտեսական միությունը (ԵԱՏՄ) լայնածավալ աշխատանք է իրականացնում ազատ առևտրի գոտիների շուրջ նոր համաձայնագրեր կնքելու ուղղությամբ, այդ թվում՝ բանակցություններ են ընթանում Հնդկաստանի, Հորդանանի և Պակիստանի հետ:
«Արմենպրես»-ի փոխանցմամբ՝ այս մասին ՏԱՍՍ-ի հետ հարցազրույցում հայտարարել է Ռուսաստանի արտաքին գործերի նախարարության հատուկ հանձնարարություններով դեսպան Մարատ Բերդիևը:
«Ընթանում է ազատ առևտրի գոտիների շուրջ համաձայնագրերի կնքման լայնածավալ աշխատանք ԵԱՏՄ-ի ակտիվ ներգրավմամբ: Արդեն ուժի մեջ են մտել կամ իրականացման փուլում են Միության համաձայնությունները Վիետնամի, Սերբիայի, Իրանի, Ինդոնեզիայի, ԱՄԷ-ի և Մոնղոլիայի հետ։ Գործում է ԵԱՏՄ-ի Առևտրատնտեսական համագործակցության մասին համաձայնագիրը Չինաստանի հետ։ Ազատ առևտրի գոտիների գործարկման շուրջ բանակցություններ են ընթանում Հնդկաստանի, Հորդանանի և Պակիստանի հետ, ինչը թույլ կտա ապրանքային շուկան ընդլայնել մինչև 2,5 միլիարդ սպառող», - ասել է նա:
Բաժանորդագրվեք մեր ալիքին Telegram-ում