ԱՄՆ-ի հետ հետագա շփումներում կարող է համաձայնություն ձեռք բերվել ռազմավարական հարձակողական սպառազինությունների շուրջ. Պուտին
1 րոպեի ընթերցում
Ռուսաստանի նախագահ Վլադիմիր Պուտինը չի բացառել, որ Միացյալ Նահանգների հետ երկխոսության հետագա փուլերում կարող են պայմանավորվածություններ ձեռք բերվել ռազմավարական հարձակողական սպառազինությունների սահմանափակման ոլորտում: «Արմենպրես»-ի փոխանցմամբ՝ այս մասին հաղորդում է «ՌԲԿ» պարբերականը:
Պուտինը նման հայտարարություն է արել Ռուսաստանի և ԱՄՆ-ի՝ օգոստոսի 16-ին Ալյասկայում կայանալիք գագաթնաժողովի նախաշեմին ՌԴ բարձրաստիճան ղեկավարության անդամների հետ խորհրդակցության ժամանակ:
Ռազմավարական հարձակողական սպառազինությունների սահմանափակման մասին պայմանագրին իր մասնակցությունը Ռուսաստանը կասեցրել է 2023 թվականին: