1 րոպեի ընթերցում
Արագածոտնի մարզային փրկարարական վարչության ճգնաժամային կառավարման կենտրոն օգոստոսի 12-ին ժամը 12։08-ին ահազանգ է ստացվել, որ Օշական գյուղի Սուրբ Մեսրոպ Մաշտոց եկեղեցու մոտակայքում քաղաքացին ցանկապատի քարերը շարելու ժամանակ ընկել է ձորը և վնասել ոտքը․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։
«Արմենպրես»-ը ՀՀ ՆԳՆ փրկարար ծառայությունից տեղեկանում է, որ փրկարարները քաղաքացուն պատգարակով բարձրացրել են ձորից (մոտ 20 մ) և մոտեցրել շտապօգնության ավտոմեքենային։