Թրամփը հայտարարել է, որ առաջիկա 24 ժամում կարող է զգալիորեն բարձրացնել մաքսատուրքերը Հնդկաստանի նկատմամբ
1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ կարող է Հնդկաստանից ներմուծվող ապրանքների համար մաքսատուրքերն առաջիկա 24 ժամվա ընթացքում զգալիորեն բարձրացնել այն պատճառով, որ Նյու Դելին ռուսական նավթ է գնում։ «Արմենպրես»-ի փոխանցմամբ՝ այս մասին նա ասել է CNBC-ին տված հարցազրույցում:
«Մենք պայմանավորվել ենք 25% մաքսատուրքերի շուրջ, բայց ես կարծում եմ, որ առաջիկա 24 ժամվա ընթացքում զգալիորեն կբարձրացնեմ մաքսատուրքերը, որովհետև նրանք ռուսական նավթ են գնում», - հայտարարել է նա։
Թրամփը կրկին ենթադրել է, որ եթե նավթի գները շարունակեն նվազել, ապա դա կարող է Ռուսաստանին դրդել ակտիվացնել Ուկրաինայի շուրջ բանակցությունները։