Քննարկվել են Հայաստանի և Հնդկաստանի միջև մշակութային հարուստ կապերի խորացման նախաձեռնությունները
1 րոպեի ընթերցում
Հնդկաստանի մշակութային կապերի խորհրդի կենտրոնական գրասենյակում խորհրդի գլխավոր տնօրեն Կ. Նանդինի Սինգլան ընդունել է Հնդկաստանում Հայաստանի դեսպան Վահագն Աֆյանին:
«Արմենպրես»-ի փոխանցմամբ՝ դեսպանությունից հայտնում են, որ հանդիպման ընթացքում քննարկվել են Հայաստանի և Հնդկաստանի միջև մշակութային հարուստ կապերի հետագա խորացման առարկայական նախաձեռնություններ, այդ թվում՝ ընթացիկ տարվա հոկտեմբերին կայանալիք Հնդկական միջազգային ժողովրդական 9-րդ փառատոնին հայկական մշակութային խմբերի մասնակցությանն առնչվող հարցեր։
Երկուստեք կարևորվել են երկու բարեկամական երկրների դարավոր ժողովուրդների միջև ներկայիս փոխադարձ ճանաչողության ընդլայնմանն ուղղված քայլերը: