1 րոպեի ընթերցում
Շիրակի մարզի ցածրադիր գոտիներում ընթացքի մեջ է հացահատիկի բերքահավաքը։ Մարզի Անի, Ախուրյան և Արթիկ համայնքներում իրականացվում է հացահատիկային մշակաբույսերի, իսկ Աշոցքում և Ամասիայում՝ կերային մշակաբույսերի բերքահավաք։
Չնայած մարզում գրանցված կարկտահարություններին՝ այս տարի լավ բերք է կանխատեսվում։ «Այս պահի դրությամբ արդեն արձանագրվում է բերքատվության բարձր ցուցանիշ՝ պայմանավորված բարենպաստ եղանակային պայմաններով»,- «Արմենպրես»-ի հետ ունեցած զրույցի ժամանակ նշեց Շիրակի մարզպետի աշխատակազմի գյուղատնտեսության և շրջակա միջավայրի պահպանության վարչության պետ Ռոման Համայակյանը։ Նա նաև ընդգծեց, որ նախորդ տարվա համեմատ, իրականացված կանխարգելիչ միջոցառումների արդյունքում այս տարի զգալիորեն նվազել են մկնանման կրծողները։