1 րոպեի ընթերցում
Լոռու մարզային փրկարարական վարչության ճգնաժամային կառավարման կենտրոնը հուլիսի 6-ին, ժամը 07։14-ին ահազանգ է ստացել, որ Արևածագի ձոր կոչվող տարածքում երկու ավտոմեքենա արգելափակվել է ցեխակույտում, և դուրս բերելու համար անհրաժեշտ է փրկարարների օգնությունը։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատների երկու մարտական հաշվարկ։
Ըստ աղբյուրի՝ փրկարարներն արգելափակումից դուրս են բերել Opel և Mazda մակնիշների ավտոմեքենաները և անվտանգ տարածք տեղափոխել հինգ քաղաքացու։