ՀՀ վարչապետը ներկա է գտնվել Viva ընկերության հիմնադրման 20-ամյակին նվիրված միջոցառմանը
1 րոպեի ընթերցում
Հայաստանի Հանրապետության վարչապետ Նիկոլ Փաշինյանը ներկա է գտնվել Viva ընկերության հիմնադրման 20-ամյակին նվիրված միջոցառմանը:
«Արմենպրես»-ի փոխանցմամբ՝ ՀՀ վարչապետի աշխատակազմից հայտնում են, որ հանդիսավոր արարողության ժամանակ անդրադարձ է կատարվել անցած երկու տասնամյակի հաջողություններին, ներկայացվել են ընկերության ռազմավարական տեսլականն ու ապագա ծրագրերը:
Միջոցառման ընթացքում մեծարվել և պարգևատրվել են այն աշխատակիցները, որոնք Viva-ում աշխատել են 20 տարի՝ զգալի ներդրում ունենալով ընկերության կայացման գործում։
Վարչապետի աշխատակազմից հիշեցնում են, որ «ՄՏՍ-Արմենիա» ընկերությունն իր 100 տոկոս բաժնետոմսերի 20 տոկոսը նախորդ տարվա փետրվարին նվիրաբերել է ՀՀ Կառավարությանը։