1 րոպեի ընթերցում
Ֆրանսիայի նախագահ Էմանուել Մակրոնը տարակուսանք է հայտնել պաշտպանական ծախսերն ավելացնելու ծրագրերի պարագայում ՆԱՏՕ-ի անդամ երկրների միջև առևտրային պատերազմի հանգամանքով։ «Արմենպրես»-ի հաղորդմամբ՝ այս մասին նա հայտարարել է ՆԱՏՕ-ի գագաթնաժողովին հաջորդած ասուլիսում։
«Լինելով դաշնակիցներ՝ չի կարելի հայտարարել, որ անհրաժեշտ է շատ ծախսել և առևտրային պատերազմ մղել իրար հետ։ Դա նորմալ չէ»,- հայտարարել է Մակրոնը։
Նա կոչ է արել սահմանել առևտրային խաղաղություն և նվազեցնել գործող մաքսատուրքերի արգելքները։ Մակրոնը գտնում է՝ ժամանակն է, որպեսզի ԵՄ-ն և ԱՄՆ-ը համաձայնության գան մաքսատուրքերի հարցի շուրջ։