1 րոպեի ընթերցում
Իսրայելի պաշտպանության բանակը (ԻՊԲ) հայտարարել է, որ հետախուզության կողմից ստացած տվյալների հիման վրա գիշերը հարվածներ է հասցրել Թեհրանի կենտրոնում գտնվող հրամանատարական կենտրոնին, որի հետևանքով սպանվել է գեներալ-մայոր Ալի Շադմանին՝ «Խաթամ ալ Անբիա» ՀՕՊ ուժերի կենտրոնական շտաբի նոր հրամանատարը: «Արմենպրես»-ի փոխանցմամբ՝ այս մասին նշված է ԻՊԲ Telegram ալիքում տարածված հաղորդագրության մեջ։
Ալի Շադմանին փոխարինել էր գեներալ-մայոր Ղոլամ Ալի Ռաշիդին, որը սպանվել էր հունիսի 13-ին իսրայելական հարվածների ժամանակ։
Ըստ ԻՊԲ-ի հաղորդագրության՝ նրա հրամանատարության տակ գտնվող «Խաթամ ալ Անբիա» հրամանատարական կենտրոնը պատասխանատու է մարտական գործողությունների վերահսկման համար։
Իրանը դեռ պաշտոնապես չի հաստատել այս տեղեկությունը։