1 րոպեի ընթերցում
Իսրայելի վարչապետ Բենյամին Նեթանյահուի գրասենյակը հայտարարել է, որ Թել Ավիվը պատրաստվում է ընդլայնել Իրանի միջուկային ծրագրի դեմ ռազմական գործողությունները։
«Արմենպրես»-ի հաղորդմամբ՝ այս մասին «Տելեգրամ»-ի իր ալիքում գրել է Իսրայելի վարչապետի գրասենյակի խորհրդական Դմիտրի Գենդելմանը։
«ՑԱԽԱԼ-ն (խմբ․ Իսրայելի զինված ուժեր) ընդլայնում է Իրանի տարածքում լայնածավալ գործողությունը, որն ուղղված է նրա միջուկային ծրագրի դեմ՝ ի պատասխան իրանական ռեժիմի շարունակվող ագրեսիայի»,-գրել է Գենդելմանը։
Վերջինս հավելել է, որ Իսրայելը հարվածներ է հասցնում տասնյակ առանցքային օբյեկտների, այդ թվում՝ բալիստիկ հրթիռների արձակման կայանքների, ռազմական բազաների և ռազմավարական ենթակառուցվածքների ուղղությամբ:
Դմիտրի Գենդելմանը շեշտել է, որ Իսրայելը թույլ չի տա Իրանին մոտենալ զանգվածային ոչնչացման զենքի ստեղծմանը: