Իրականացվում է հետևողական աշխատանք Բաքվի օդանավակայանում հայերի, և Երևանի օդանավակայանում Ադրբեջանի քաղաքացիների հայտնվելու առնչությամբ. ՀՀ ԱԱԾ

Իրանի Իսլամական Հանրապետության և հարակից որոշ երկրների օդային տարածքների փակմամբ պայմանավորված՝ մի շարք միջազգային ավիաթռիչքներ կատարող օդանավեր հարկադրված վայրէջքներ են կատարել «Զվարթնոց» միջազգային օդանավակայանում և տարածաշրջանի այլ երկրների օդանավակայաններում։ «Արմենպրես»-ի հաղորդմամբ՝ ՀՀ ազգային անվտանգության ծառայությունը հայտարարությամբ նաև հայտնել է, որ այս հանգամանքի բերումով ՀՀ քաղաքացիներ և ազգությամբ հայեր հայտնվել են Ադրբեջանի մայրաքաղաք Բաքվի օդանավակայանում։ Միևնույն ժամանակ, նույն իրավիճակով պայմանավորված, Ադրբեջանի քաղաքացիներ են հայտնվել են «Զվարթնոց» օդանավակայանում։

Ըստ ՀՀ ԱԱԾ-ի՝ ստեղծված իրավիճակով պայմանավորված ՀՀ պետական կառույցները իրականացնում են հետևողական աշխատանք: