Իրանի արտգործնախարարը կայցելի Պակիստան և Հնդկաստան՝ վերջիններիս միջև լարվածության ֆոնին
1 րոպեի ընթերցում
Իրանի արտաքին գործերի նախարար Աբբաս Արաղչին երկուշաբթի օրը՝ մայիսի 5-ին, կմեկնի Պակիստան, որից հետո նաև Հնդկաստան:
«Արմենպրես»-ի հաղորդմամբ՝ ինչպես փոխանցում է Mehr-ը, այս մասին հայտնել Է Իրանի արտաքին քաղաքական գերատեսչության ներկայացուցիչը:
Իրանի ԱԳՆ պաշտոնական ներկայացուցիչ Էսմայիլ Բաղայիի խոսքով ՝ Արաղչիի նախատեսված այցը հարևան երկրների հետ կանոնավոր խորհրդակցությունների մաս է կազմում:
Խոսնակը հայտնել է, որ այցի ընթացքում արտգործնախարարը կհանդիպի Պակիստանի բարձրաստիճան պաշտոնյաների հետ՝ քննարկելու համար երկկողմ հարաբերությունները, ինչպես նաև տարածաշրջանային և միջազգային վերջին զարգացումները:
Բաղային հավելել է, որ Աբբաս Արաղչին պաշտոնական այցով Հնդկաստան կայցելի հաջորդ շաբաթվա վերջին: