360.51
Լիլիթ Ստեփանյանը նշանակվել է Կոտայքի մարզպետ
1 րոպեի ընթերցում
Հայաստանի կառավարության որոշմամբ՝ Լիլիթ Ստեփանյանը նշանակվել է Կոտայքի մարզպետ։
«Արմենպրես»-ի հաղորդմամբ՝ հոկտեմբերի 29-ին ՀՀ կառավարության նիստի ընթացքում Լիլիթ Ստեփանյանն ասաց, որ մեծ սիրով ու մեծ պատասխանատվությամբ, պատրաստակամությամբ է ստանձնում այդ պաշտոնը։
«Աշխատելու եմ պատվով և էլ ավելի մեծ պատասխանատվությամբ ու սիրով՝ իմ հայրենի մարզում իրականացնելով մարզի ղեկավարումը։ Լինելով ՀՀ կառավարության ներկայացուցիչը Կոտայքի մարզում՝ իմ ուշադրության կենտրոնում եմ պահելու այն բոլոր ծրագրերն իրենց ամբողջ ծավալով, բովանդակությամբ և ժամկետներով, որոնք իրականացվելու են մարզում։ Ինչպես օրենսդիրում, այնպես էլ գործադիրում շարունակելու եմ ինտենսիվ համագործակցությունն իմ բոլոր գործընկերների հետ՝ ի շահ մարզի, ի շահ մարզի բնակչի։ Վստահ եմ, որ մարզի քաղաքական թիմի, մարզպետարանի աշխատակազմի, ինչպես նաև կառավարության գործընկերների աջակցությամբ հաջողելու ենք»,-նշեց Ստեփանյանը։
Ավելի վաղ ՀՀ վարչապետ Նիկոլ Փաշինյանը «Քաղաքացիական պայմանագիր» կուսակցության վարչության նիստի ընթացքում հայտնել էր, որ ՔՊ խմբակցության անդամ Լիլիթ Ստեփանյանը վայր կդնի ՀՀ ազգային ժողովի պատգամավորի մանդատը և կնշանակվի Կոտայքի մարզպետ։
Բաժանորդագրվեք մեր ալիքին Telegram-ում