1 րոպեի ընթերցում
Գեղարքունիքի մարզում 2025 թվականի ապրիլի 25-ի դրությամբ կատարվել է 2428 հեկտար գարնանացան։ Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի գյուղատնտեսության և բնապահպանության վարչությունից, մարզի համայնքների տնտեսություններում ցանվել է 2088 հեկտար գարի, 131 հեկտար կարտոֆիլ, 176 հեկտար գարնանացան ցորեն, 10 հեկտար վարսակ, 12 հեկտար հաճար, 5 հեկտար ոլոռ, 4 հեկտար կերային մշակաբույսեր, 2 հեկտար ոսպ։
Վարդենիս համայնքում կատարվել է 855 հեկտար, Մարտունի համայնքում՝ 727 հեկտար, Գավառ համայնքում՝ 676, Սևան համայնքում՝ 161, Ճամբարակ համայնքում՝ 13 հեկտար գարնանացան։
Գարնանացանի տեմպերը դանդաղում են եղանակային անբարենպաստ պայմանների պատճառով։