Հայաստանի վարչապետն ու Էստոնիայի ԱԳ նախարարը քննարկել են համագործակցության զարգացման հեռանկարները
1 րոպեի ընթերցում
Պաշտոնական այցի շրջանակում Հայաստանի վարչապետ Նիկոլ Փաշինյանն իր կեցավայրում ընդունել է Էստոնիայի արտաքին գործերի նախարար Մարգուս Ցահքնային:
«Արմենպրես»-ի փոխանցմամբ՝ ՀՀ վարչապետի աշխատակազմից հայտնում են, որ հանդիպման ընթացքում կողմերը քննարկել են Հայաստան-Էստոնիա երկկողմ հարաբերությունների օրակարգին վերաբերող հարցեր՝ կարևորելով քաղաքական, տնտեսական և միջմշակութային համագործակցության զարգացման հեռանկարները:
Զրուցակիցներն անդրադարձել են Հարավային Կովկասում տեղի ունեցող զարգացումներին, մասնավորապես՝ Հայաստանի և Ադրբեջանի միջև խաղաղության գործընթացին: Կողմերը շեշտել են խաղաղության համաձայնագրի ստորագրման կարևորությունը՝ տարածաշրջանում երկարատև խաղաղության և կայունության ապահովման տեսանկյունից:
